સૂરત પુસ્તકમેળામાંથી પુસ્તકોની ખરીદી..

તો આ વખતે સૂરત પુસ્તક મેળો ૨૦૧૬, જેમાં મેં સોશિઅલ મીડિયામાં સાહિત્ય અને પત્રકારત્વ એ વિષય પર મારા વિચારો જૂથચર્ચામાં પ્રસ્તુત કર્યા, એ પહેલા પાંચેક કલાક અનેકવિધ ડોમમાં ફરવા મળ્યું. લાકડીને ટેકે ધીમે ધીમે ચાલતા બધા જ ડોમની મુલાકાત લીધી અને અનેક પુસ્તકોની ખરીદી કરવામાં આવી, જેમાં

  • સંજય ચૌધરીની ‘ગિરનાર’
  • ભગવતીચરણ વર્માની ‘ચિત્રલેખા’
  • જૉસેફ મૅકવાનની ‘મારી પરણેતર’
  • ભા. દ. ખેરની ‘યુગદ્રષ્ટા’ જે ચાણક્ય પર આધારિત છે.
  • સુરેશ દલાલ સંપાદિત ‘બૃહદ ગુજરાતી કાવ્યસમૃદ્ધિ’
  • ઓશોના ‘ધમ્મપદ’ પરના પ્રવચનોનો ચાર પુસ્તકોનો સેટ
  • ઓશોના ‘બુદ્ધ’ પરના પ્રવચનોની છ ડીવીડીનો સેટ
  • ઓશોના ‘ગીતા’ પરના પ્રવચનોની ચાર ડીવીડીનો સેટ
  • હરકિશન મહેતાની ‘સંભવ અસંભવ’
  • અશ્વિની ભટ્ટની ‘અંગાર’નો ત્રણ પુસ્તકોનો સેટ

આ સાથે મારી પાસે હરકિશન મહેતા અને અશ્વિની ભટ્ટના બધા પુસ્તકોનો સેટ પૂરો થયો હોય એમ લાગે છે, ધ્રુવ ભટ્ટના બધા પુસ્તકોનો સેટ મારી પાસે છે જ..

અનેક પુસ્તકો લેવામાં આવ્યા અને આ વખતે પણ ખર્ચનો વિચાર બાજુએ મૂકી દેવામાં આવ્યો. ‘હાજી કાસમની વીજળી’ એ પુસ્તક હજુ પણ મળી શક્યું નથી. ધમ્મપદ વિશેના ઓશોના વિચારો વાંચવાનું શરૂ કરી દેવાયું છે, અને એ ખરીદી સાર્થક નીવડી છે. તો વાચન માટે લગભગ બે મહીના ચાલે એટલો ખોરાક તો આવી ચૂક્યો છે.. ત્યાર બાદ ફરી કોઈક મેળામાં બાકીના પુસ્તકો શોધવામાં આવશે. જો કે હવે એ અનુભવાય છે કે મોટેભાગે આવા પુસ્તકમેળાઓમાં મહદંશે બધા જ સ્ટૉલ પર અમુક ચોક્કસ પુસ્તકો જોવા મળે જ! અને એ અકળાવનારું હોય છે, વળી આવા મેળાઓમાં ધર્મ પરના પુસ્તકોના પ્રચારને બદલે ધર્મનો પ્રચાર થતો હોય એવું પણ લાગે છે, જે મને તદ્દન બિનજરૂરી લાગે છે.

Advertisements

અમદાવાદ પુસ્તકમેળામાંથી ખરીદેલા પુસ્તકોની યાદી…

પ્રસ્તુત છે અમદાવાદ પુસ્તકમેળામાંથી મેં ખરીદેલા પુસ્તકોની યાદી…

ચૂંટેલા નિબંધો – કિશનસિંહ ચાવડા
ગુજરાતી સાહિત્યકાર કોશ – ડૉ. કિરીટ એચ. શુક્લ
સ્વપ્નવાસવદત્તમ – વિનુભાઈ પટેલ
અવિસ્મરણીય ભાગ ૨, ૩ અને ૪ – ઇશા કુંદનિકા
રંગભૂમી ૨૦૧૨ – ઉત્પલ ભાયાણી
ગેબી ગિરનાર – અનંતરાય જી. રાવલ
ગિરનારના સિદ્ધ યોગીઓ – અનંતરાય જી. રાવલ
સૌરાષ્ટ્રની રસધાર (બધા ભાગ) – ઝવેરચંદ મેઘાણી
રણમલ લાખા – ગુણવંતરાય આચાર્ય
ઝંખે છે સાથ ભવોભવનો – સુરેશ અને અલકા પ્રજાપતિ
જય હો – જય વસાવડા
મા – મેક્સિમ ગોર્કી અનુ. અતુલ સવાણી
ટૉલ્સ્ટૉયની ૨૩ વાર્તાઓ – જિતેંન્દ્ર દેસાઈ
ગાંધીબાપુ (ફુદસિયા જેદીના ‘ગાંધીબાબા’નો અનુવાદ)
હિંદ સ્વરાજ્ય – મો. ક. ગાંધી
વીસરાતી વિરાસત – જેમ્સ હિલ્ટન, અનુ. ચિન્મય જાની
લોહીની સગાઈ – ઈશ્વર પેટલીકર
બક્ષીનામા – ચંદ્રકાન્ત બક્ષી
લવલી પાન હાઉસ – ધ્રુવ ભટ્ટ
સમુદ્રાન્તિકે – ધ્રુવ ભટ્ટ
જિબ્રાનની જીવનવાણી – ધૂમકેતુ
ક્લીઓપેટ્રા – રાઈગર હોગાર્ડ
કાર્યક્રમનું સંચાલન કઈ રીતે કરશો?
હું પાછો આવીશ

ઑડીયો સી.ડી.
કાવ્ય સંગીત સમારોહ ૨૦૧૧ (ગુજરાત સમાચાર અને સમન્વય પ્રસ્તુત)
અવસર અવાજનો.. રમેશ પારેખની કવિતા – સ્વર અંકિત ત્રિવેદી

ઉપરાંત હાર્દી માટે નવનીતના સટૉલમાંથી ‘જાણવા જેવું’ સામાન્ય જ્ઞાનનું પુસ્તક તથા મારે માટે ઈતિહાસનો અનોખો ખજાનો આપતું ‘હિસ્ટી રીવાઈંડ’ નામનું દળદાર અંગ્રેજી પુસ્તક લેવાયું. ઉપરાંત અનેકો સૂચિપત્રો, નિ:શુલ્ક મળતી નાની પુસ્તિકાઓ અને અન્ય સંદર્ભ સાહિત્ય વગેરે લેવાયા.

ઘણા મિત્રોએ આ સૂચી માંગી હતી એટલે એ અહીં મૂકી છે.

સોનલ ફાઉન્ડેશન લિમ્કા બુક ઑફ વર્લ્ડ રિકૉર્ડમાં

સાવરકુંડલાના સોનલ ફાઊન્ડેશન દ્વારા ગુજરાતના કુલ સાત જીલ્લાઓ ની ૭૦૧૫ પ્રાથમિક શાળાઓને ૨૦૦૬ થી ૨૦૦૯ના ત્રણ વર્ષોમાં પુસ્તકાલય શરૂ કરવા અને બાળકોને વાંચન તરફ અભિમુખ કરવાના હેતુથી કુલ ૨૦ લાખથી વધુ પુસ્તકો વહેંચવામાં આવ્યા. સોનલ ફાઉન્ડેશન ડૉ. પ્રફુલ્લ શાહ અને તેમના પત્ની ઇન્દિરાબેન શાહનું સહીયારું સ્વપ્ન છે. તેમનાં સદગત પુત્રી સોનલબેન, કે જે પોતે પણ એક સામાજીક કાર્યકર હતાં, તેમના એક અકસ્માતમાં મૃત્યુ થવાથી એ સમાજસેવાની પ્રવૃત્તિ આગળ વધારવાનો હેતુ સોનલ ફાઉન્ડેશનના પાયામાં છે.

શરૂઆતમાં ૫૦૦ બાળકોથી ડૉ. શાહના ઘરે જ શરૂ થયેલ પુસ્તકાલયનો વ્યાપ આજે અનેક જીલ્લાઓની હજારો પ્રાથમિક શાળાઓ સુધી પહોંચ્યો છે. ૨૦૦૬માં તેમના મિત્રો રસિકલાલ અને પન્નાબેન હેમાણી તેમની સાથે જોડાયા અને આ કાર્યક્રમ નાની સરકારી શાળાઓમાં પુસ્તકાલય બનાવવા સુધી વિસ્તર્યો. જે શાળાઓમાં ફક્ત ૧૦ થી ૨૦ વિદ્યાર્થીઓ જ હતાં, ત્યાં પણ પુસ્તકાલય શરૂ કરવા પુસ્તકો આપવામાં આવ્યા. Continue reading

હરકિસન મહેતાની અદ્રુત નવલ ‘લય-પ્રલય’

સ્વ. શ્રી હરકિસન મહેતાની નવલકથાઓનો હું બાળપણથી ગાંડો આશિક, શાળાના પુસ્તકાલયમાં કેટલીય વખત અભ્યાસને બદલે તેમની નવલકથાઓ વાંચી છે, વેકેશનમાં ખાધા પીધા વગર તેમની નવલકથાઓ વાંચ્યાનું પણ સ્મરણ છે. એટલે હવે મારા પોતાના ઘરમાં જ ઉભા થઈ ગયેલા પુસ્તકાલયમાં જ્યારે તેમની નવલકથાઓનો આખોય સેટ વસાવ્યો ત્યારે એક અજબનો રોમાંચ થઈ ગયેલો. તુલસી ને ચિંતન, અનાર અને હાઈનેસ, ઓમકાર અને તાન્યા, આમિરઅલી અને જગ્ગા…. કેટકેટલા પાત્રો આળસ મરડીને વિચારતંત્રમાં બેઠા થઈ ગયા.

ઉત્સાહપૂર્વક વાંચનની શરૂઆત કરાઈ, પ્રતિભાએ વાંચવાની શરૂઆત ‘જડ-ચેતન’થી કરી અને મેં ‘લય-પ્રલય’થી.

લય-પ્રલયની શરૂઆતથી જ ઓમકારનું નબળુ મનોબળ અને અનિશ્ચિત માનસીકતા વાચકને અવઢવમાં મૂકી દે છે, એની સાથે થઈ રહેલા પ્રસંગો અને ઘટનાઓ જાણે આપણી સાથે થઈ રહ્યા હોય એટલી સહજતાથી એ વાચકના મનને જકડે છે, અને સાવ સરળતાથી હાઈનેસના સ્વાંગમાં ફરતા કમાલના જાળમાં જ્યારે તે સપડાઈ જાય છે ત્યારથી શરૂ થતી પકડાપકડી છેક નવલકથાના ત્રીજા ભાગના અંત સુધી જકડી રાખે છે. Continue reading

બુક્સઓનક્લિક.કોમનો પ્રથમ અનુભવ..

બુક્સઓનક્લિક.કોમ વેબસાઈટના પ્રથમ અનુભવ રૂપે શ્રી અશ્વિની ભટ્ટના બે પુસ્તકો –

– નીરજા ભાર્ગવ અને
– શૈલજા સાગર

મંગાવ્યા હતા. અનુભવ સરસ રહ્યો, ચાર દિવસમાં મહુવામાં સરસ પરિસ્થિતિમાં પુસ્તકો પહોંચ્યા. હવે અહીં એક મોટો ઓર્ડર આપવામાં આવશે. આવી સરસ સગવડ ઉપલબ્ધ કરાવવા બદલ શ્રી નમન છાયાનો આભાર.

આ ખરીદી સાથે અશ્વિની ભટ્ટની નવલકથાઓમાં અંગાર, કટિબંધ અને લજ્જા સન્યાલ ખરીદવાની અને વાંચવાની બાકી રહેશે. એ ત્રણ ખરીદાયા પછી મારી લાઈબ્રેરીમાં અશ્વિનિ ભટ્ટનો આખોય સંપુટ પૂર્ણ થઈ જશે.

અત્યારે વંચાઈ રહેલ પુસ્તકોમાં ગુણવંતરાય આચાર્યની દરિયાપાર (બીજી વાર) અને પરમહંસ યોગાનંદની રચના એવી અદભુત અને આધ્યાત્મિક પુસ્તક ‘યોગી કથામૃત’ છે. એ પછી રિવ્યુ માટે આવેલા બે પુસ્તકો હાથ પર લેવામાં આવશે.

(2012) મે મહીનાની પ્રવૃત્તિઓ…

મે મહીનામાં અને એ પહેલા એપ્રિલમાં પણ પારિવારિક વ્યસ્તતાઓને લીધે અને “251 ઉપયોગી અને અનોખી વેબસાઈટ્સ” પુસ્તક લખાઈ રહ્યું હોવાથી અન્ય પ્રવૃત્તિઓ ખૂબ ઘટી ગઈ છે – જેમાં અક્ષરનાદ પણ ઘણુંખરું અનિયમિત થઈ ગયું છે. પણ આ બધા વચ્ચે વાંચનને ખોરવાઈ જવા દીધું નથી એ વાતનો આનંદ છે.

આ મહીને વંચાઈ રહેલા / પૂર્ણ થયેલ પુસ્તકોમાં –

એલિસ્ટર મેક્લીનનું “ધ ગન્સ ઓફ નેવેરોન”
પ્રભાશંકર ફડકે દ્વારા સંપાદિત અને સંકલિત કચ્છી સાહિત્યનો પરિચયગ્રંથ “શબ્દને સથવારે”
કાજલબેનની સુંદર નવલકથા “છલ”
અશ્વિનિ ભટ્ટ લિખિત “ઓથાર”
ભાણદેવજી દ્વારા સંકલિત “અધ્યાત્મ કથાઓ” અને
એન્ડ્રોઈડ કિન્ડલમાં ડેવિડ ગૌઘરાનની “હાઉ ટુ સેલ્ફ પબ્લિશ એન્ડ વ્હાય યુ શુડ” યાદીમાં છે.

આ ઉપરાંત હું એલિસ્ટર મેક્લીનની નવલકથા વાંચી રહ્યો છું એ જાણી અમારા બૉસે તેમના વિશાળ ડીવીડી સંગ્રહમાંથી તેની ફિલ્મ અને સાથે બીજી ત્રણ એવી જ સરસ સદાબહાર ફિલ્મોની ડીવીડી કાઢી આપી છે – આ ઉપરાંત આ મહીને પ્રવાસમાં જોવાઈ રહેલી / જોવાઈ ગયેલ ફિલ્મોમાં

ધ ગન્સ ઓફ નેવેરોન
બ્રિજ ઓન ધ રિવર ક્વાઈ
ધ મિસ્ટ
હોલી સ્મોક
ધ થ્રી મસ્કેટીયર્સ
ધ ગોડફાધર
અને મનોજ શ્યામલાનની ‘સાઈન્સ’ સમાવિષ્ટ છે.

અને આ સમયમાં ફિલ્મી ગીતોને બદલે ગેરફિલ્મી અને ગંભીર પ્રકારના ગીતો વધારે ગણગણી રહ્યો છું, જેમાંથી એક છે આમિરખાનના ટીવી શો ‘સત્યમેવ જયતે’ના પ્રથમ ભાગને અંતે પ્રસ્તુત ગીત – ઓ રી ચિરૈયા, નન્હી સી ચિડીયા, અંગના મેં ફિર આજા રે….”

સાથે 26/11 ના મુંબઈ આતંકવાદી હુમલામાં શહીદ થયેલા લોકોને શ્રદ્ધાંજલી અર્પતા ખૂબ પ્રચલિત થયેલ હ્રદયસ્પર્શી ગીત જે કદાચ આમિર ફિલ્મનું છે તે –

“એક લૌ ઈસ તરહ ક્યોં બુઝી મેરે મૌલા…” સતત સાંભળી રહ્યો છું. આશા છે આપને પણ એ ગમશે.

પુસ્તકોની મહાખરીદી

ઘણા વખતે અહીં ફરી પોસ્ટ મૂકી રહ્યો છું એટલે સેલ્ફહોસ્ટેડ વર્ડપ્રેસથી થોડુંક અલગ લાગે છે. પણ વર્ડપ્રેસ.કોમની પોતાની મજા છે.

ગત મહીને વડોદરામાં ચં.ચી.મહેતા ઑડીટોરીયમમાં થયેલ શ્રી સુરેશ દલાલ સંકલિત પુસ્તક ‘નિબધવિશ્વ’ના પુસ્તક વિમોચનમાં પહોંચ્યો હતો. ત્યાંથી નિબંધવિશ્વ અને વિશ્વનાં યાદગાર પ્રવચનો એવા બે પુસ્તકો ખરીદ્યા. ઈમેજ દ્વારા ‘નિબધવિશ્વ’ પુસ્તક પર ૫૦/- રૂપિયા ઓછા હતાં છતાં એક સાથે બે પુસ્તકોની ખરીદી કરીને ૧૦૦૦/- નો ચાંદલો કર્યો હતો.

વિમોચન કાર્યક્રમમાં શ્રી સુરેશ દલાલ ઉપરાંત ઉપસ્થિત શ્રી ગુણવંત શાહ, ઉદ્દેશના શ્રી પ્રબોધભાઈ, સંચાલક શ્રી અંકિત ત્રિવેદી તથા કાર્યક્રમમાં નિબંધો પ્રસ્તુત કરનાર શ્રી કાજલ ઓઝા વૈદ્ય, શ્રી એષા દાદાવાળા, તથા Continue reading