ધ્રુવભાઈ ભટ્ટ સાથે સવાઈબેટની યાત્રા…

પોતાના પ્રિય લેખકને મળવાનો આનંદ અને ઉત્સાહ કોને ન હોય? એમાંય તમારી આસપાસના સ્થળો અને લોકો સાથે જોડાયેલા સર્જકને તેમણે જે જગ્યાઓ વર્ષો પહેલા જોઈ હતી ત્યાં લઈ જવાનો, એ સ્થળો પરની તેમની સજીવન થતી યાદોના સાક્ષી બનવાનો આનંદ અનોખો જ હોય છે.

‘સમુદ્રાન્તિકે’ વાંચ્યા બાદ ધ્રુવભાઈ ભટ્ટની સાથે શિયાળબેટ પર જવાની અદમ્ય ઇચ્છા અને તેમની આંખે વર્ષો પહેલાના શિયાળબેટ, સવાઈબેટ અને ભેંસલાની યાદો જોવાની, ભૌગોલિક ફેરફારો વિશે જાણવા-સમજવાની ઇચ્છા તેમણે સામેથી પૂરી કરી આપી. અને ગત મહીને ધ્રુવભાઈ, અદીતિબેન અને દેવવ્રતભાઈ સાથે પીપાવાવથી હોડી કરીને સવાઈબેટ પર જવા નીકળ્યા.

રસ્તામાં ધ્રુવભાઈ સાથે ઘણી વાતો થઈ, ‘સમુદ્રાન્તિકે’ વિશે, તેમાં આલેખાયેલ સ્થળો વિશે, ‘અકૂપાર’ વિશે, ‘ગીર’ વિશે અને ‘લીલાપાણી’ નેસ વિશે, કાના વિશે, અકૂપારના નાટક વિશે, સમુદ્રાન્તિકેના નાટકની તૈયારીઓ વિશે, વર્ષો પહેલાના શિયાળબેટ અને સવાઈબેટ વિશે… આમ અનેક વાતો થઈ.

દાવડા સાહેબની ‘મળવા જેવા માણસ’ શ્રેણીમાં મારો પરીચય…

શ્રી પી. કે. દાવડા સાહેબની ઈ-મેલ શ્રેણી ‘મળવા જેવા માણસ’ ના એક મણકામાં તેમણે મારો વિગતે પરીચય અને અક્ષરનાદની વાત મૂકી. મારા જેવા પાર્ટ ટાઈમ શોખ ખાતર અક્ષરનું સેવન કરતા માણસ માટે તો આ ખૂબ મોટી વાત કહેવાય. વળી તેમની આ શ્રેણીમાં અત્યાર સુધી જેમનો પરિચય આવ્યો  છે એ બધાંય વડીલો છે, ઉંમરના એક એવા પડાવ પર પહોંચ્યા છે જે અનુભવમાં અને સમજણમાં મારાથી ક્યાંય મોટા છે…

‘આનંદ ઉપવન’ ગુજરાતી સામયિક

સાંજે સાડા સાતે મુંબઈના અંધેરી રેલ્વેસ્ટેશન પર બોરીવલી તરફ જતી ટ્રેનની રાહ જોઈને ઉભો હતો અને કાયમની જેમ સમય પસાર કરવા પ્લેટફોર્મ પરના બુકસ્ટોલ પર નજર કરી રહ્યો હતો. અચાનક ધ્યાન એક ગુજરાતી સામયિક પર ગયું, ‘આનંદ ઉપવન’.

મહદંશે ‘સફારી’ અને ક્યારેક ‘નવનીત સમર્પણ’ કે ‘અખંડ આનંદ’ સિવાય ભાગ્યે જ કોઈ ગુજરાતી સામયિક રેલ્વેસ્ટેશનના બુકસ્ટોલ પર દેખાય છે. એવામાં આ નવું નામ વાંચીને સારું લાગ્યું, ટ્રેન પ્લેટફોર્મ પર આવી રહી હતી એટલે ઝડપથી પૈસા ચૂકવીને ધક્કા મારવાની લાઈનમાં ઉભો રહી ગયો. ટ્રેનમાં ઉભા ઉભા પણ તેને વાંચવાની લાલચ રોકી ન શક્યો.

સોનલ ફાઉન્ડેશન લિમ્કા બુક ઑફ વર્લ્ડ રિકૉર્ડમાં

સાવરકુંડલાના સોનલ ફાઊન્ડેશન દ્વારા ગુજરાતના કુલ સાત જીલ્લાઓ ની ૭૦૧૫ પ્રાથમિક શાળાઓને ૨૦૦૬ થી ૨૦૦૯ના ત્રણ વર્ષોમાં પુસ્તકાલય શરૂ કરવા અને બાળકોને વાંચન તરફ અભિમુખ કરવાના હેતુથી કુલ ૨૦ લાખથી વધુ પુસ્તકો વહેંચવામાં આવ્યા. સોનલ ફાઉન્ડેશન ડૉ. પ્રફુલ્લ શાહ અને તેમના પત્ની ઇન્દિરાબેન શાહનું સહીયારું સ્વપ્ન છે. તેમનાં સદગત પુત્રી સોનલબેન, કે જે પોતે પણ એક સામાજીક કાર્યકર હતાં, તેમના એક અકસ્માતમાં મૃત્યુ થવાથી એ સમાજસેવાની પ્રવૃત્તિ આગળ વધારવાનો હેતુ સોનલ ફાઉન્ડેશનના પાયામાં છે.

શરૂઆતમાં ૫૦૦ બાળકોથી ડૉ. શાહના ઘરે જ શરૂ થયેલ પુસ્તકાલયનો વ્યાપ આજે અનેક જીલ્લાઓની હજારો પ્રાથમિક શાળાઓ સુધી પહોંચ્યો છે. ૨૦૦૬માં તેમના મિત્રો રસિકલાલ અને પન્નાબેન હેમાણી તેમની સાથે જોડાયા અને આ કાર્યક્રમ નાની સરકારી શાળાઓમાં પુસ્તકાલય બનાવવા સુધી વિસ્તર્યો. જે શાળાઓમાં ફક્ત ૧૦ થી ૨૦ વિદ્યાર્થીઓ જ હતાં, ત્યાં પણ પુસ્તકાલય શરૂ કરવા પુસ્તકો આપવામાં આવ્યા.

અક્ષરનાદની રીડીઝાઈનનો પ્રયત્ન… – એક નવી શરૂઆત…

અક્ષરનાદ ગત એક મહીનામાં અધધધ ડાઊનટાઈમનો ભોગ બન્યું, થોડુંક અમારા હોસ્ટ બ્લ્યૂહોસ્ટને લીધે અને થોડુંક (તેમના કહેવા મુજબ) વેબસાઈટ ટ્રોલ થવાને લીધે જેના મૂળમાં હું હજુ સુધી પહોંચી શક્યો નથી…

લગભગ બે વર્ષથી અક્ષરનાદ એક જ થીમ, ડીઝાઈન અને ફોર્મેટ સાથે ચાલે છે, થીમ અપડેટ થઈ શકી નથી અને તેના લીધે પણ ઘણી મુશ્કેલીઓ છે. આથી સમયની સાથે સતત અપડેટેડ રહેવા અક્ષરનાદ રીડીઝાઈન થવા જઈ રહી છે, દેશની અગ્રગણ્ય ડિઝાઈન સંસ્થાઓથી લઈને ફ્રિલાન્સર્સ પાસેથી આ માટે ક્વોટ્સ મંગાવાયા છે, આ ક્ષેત્રના જાણકાર મિત્રોનો સંપર્ક કરાઈ રહ્યો છે અને એના માટે યોગ્ય બજેટ પણ ફાળવી દેવામાં આવ્યું છે.

વધુ એક ‘હેપ્પી બર્થડે’…

આમ તો સામાન્ય દિવસો જેવો જ એક દિવસ, પણ આજે જીવનના જીવાઈ ગયેલા વર્ષોની ગણતરી વધુ એક પૂર્ણાંકે પહોંચી છે, એ દ્રષ્ટિએ જન્મદિવસ પાછળના જીવન પર નજર નાખવાનો એક અવસર આપે છે.

જીવનના ઘણાં વર્ષો વીતી ગયા – કેટલા બાકી છે કોને ખબર… હવે ક્યારેક ‘કાકા’ના સંબોધનો મળવા લાગ્યા છે, થોડાક વાળ અત્યારથી સફેદ થવા ઉતાવળા થઈ ગયા અને જવાબદારીઓની સંખ્યા AAPની સભ્યસંખ્યાની જેમ સતત વધતી રહી, મિત્ર અને સહકાર્યકર હસમુખભાઈના મૃત્યુનો શોક સ્મશાન વૈરાગ્યની સીમાઓથી થોડો વધુ વિકસ્યો અને વ્યાવસાયિક જીવનમાં કાયદાકીય મુશ્કેલીઓ અને તેથી ભરચક તણાવની સ્થિતિ છેલ્લા થોડાક દિવસોમાં રહી હોઈ ઉજવણી કરવાનું કોઈ વિશેષ મન નહોતું, પણ મહુવામાં ઘરનાં બધા સભ્યો ભેગા થયાં અને સાથે પૂજાનું આયોજન કર્યું, ખીર ખાવામાં આવી, ડીવીડીની મદદથી ગુજરાતી નાટક જોવામાં આવ્યું અને એમ કમસેકમ આજનો દિવસ તો કોઈ માનસીક તાણ વગર પસાર થયો એ નસીબ. આજે રાત્રે ફરીથી રાજકોટ ત્યાંથી વહેલી સવારની ફ્લાઈટમાં મુંબઈ… એમ વ્યવસાયિક ભાગદોડ શરૂ…. આ પ્લેન / ટ્રેન / મોબાઈલ જેણે શોધ્યા છે એ મને મળી જાય તો….

લાડલી મીડીયા અવૉર્ડ્સ.. અનુભવ

અક્ષરનાદને ૨૦ ડિસેમ્બરના રોજ દિલ્હીના ચિન્મય મિશન ઑડીટોરીયમ ખાતે લાડલી મીડીયા એન્ડ ઍડવર્ટાઈઝીંગ અવૉર્ડ ફોર જેન્ડર સેન્સિટીવિટી ૨૦૧૨-૧૩ જાહેર કરવામાં આવ્યા. દિલ્હીના લોધી રોડ પર આવેલ ચિન્મય મિશનના ઑડીટોરીયમમાં યોજાયેલા એક ઝાકઝમાળભર્યા સમારંભમાં અનેકવિધ વિભાગમાં પશ્ચિમ અને ઉત્તર વિભાગના લગભગ ૧૭૦૦થી વધુ નોમિનેશન્સમાંથી અને અનેકવિધ કેટેગરીના ૮૦ વિજેતાઓ સાથે અક્ષરનાદને આ પુરસ્કાર મળ્યો. આ માટે દિલ્હી ગયો હતો ત્યારે ગુજરાતના અનેક મિત્રોને મળવાનો અવસર મળ્યો, ગુજરાત સમાચારના લોકપ્રિય કૉલમિસ્ટ અને જેમના લખાણો માણવા મને ખૂબ ગમે છે તેવા શ્રી લલિતભાઈ ખંભાયતાને મળવાનો અવસર લાડલી અવૉર્ડના આયોજન દરમ્યાન મળ્યો. ખૂબ સરળ વ્યક્તિત્વ અને એવો જ સ્વભાવ ધરાવતા લલિતભાઈને મળીને ખૂબ જ આનંદ થયો, કચ્છમિત્રના ન્યૂઝ એડીટર નવીનભાઈ જોશી (જેઓ હોટલમાં મારા રૂમ પાર્ટનર હતા) ને મળીને અને અનેક વાતો કરીને ખૂબ આનંદ થયો., લાડલી અવૉર્ડ ગુજરાતના કોઓર્ડિનેટર હરિતાબેન તલાટી, દિલ્હીના કો ઓર્ડિનેટર માધવી શ્રી ને મળીને અને તેમનો ઉત્સાહ જોઈને પણ આનંદ થયો.

R.I.P. હસુભાઈ…

આમ તો આ પોસ્ટ અનેક અન્ય રાહ જોઈ રહેલ સમાચારો અને વિષયો પર મૂકી શકાઈ હોત, પરંતુ ગત તા. ૨૯ ડીસેમ્બરના રોજ સાત વર્ષથી મારી સાથે કામ કરનાર સહકર્મચારી મિત્ર શ્રી હસમુખભાઈ ટાંક એક અકસ્માતમાં મૃત્યુ પામ્યા, તેમને શ્રદ્ધાંજલી અને યાદ કરવા છે.

૨૦૦૭માં પીપાવાવ શિપયાર્ડમાં નોકરી લીધી ત્યારે પહેલા દિવસથી હસમુખભાઈ સાથે હતાં, જ્યારે હું સીનીયર એન્જીનીયર હતો ત્યારે તે એન્જીનીયર હતા, અને બંનેનું પ્રમોશન થયું ત્યારે હું ડેપ્યુટી મેનેજર બન્યો અને તેઓ સીનીયર એન્જીનીયર બન્યા. અમે બંને આશા રાખી રહ્યા હતા કે મહીનાઓથી રાહ જોવાઈ રહી છે તે પ્રમોશનમાં આ વખતે તેઓ ડેપ્યુટી મેનેજર બનશે, પણ….

દ્વારકાથી દર્શન કરી ચોટીલા જતી વખતે દ્વારકા પાસે એક અકસ્માતમાં તેઓ સ્થળ પર જ મૃત્યુને ભેટ્યા, તેમની સ્વિફ્ટ ગાડી એક લક્ઝરી બસ સાથે ભયાનક રીતે અકસ્માતગ્રસ્ત થઈ ગઈ. તેમના પત્ની, તેમની ગાડીમાં સાથે બેઠેલા તેમના અને અન્ય બાળકો વગેરે બધા ગંભીર હાલતમાં દ્વારકા હોસ્પિટલમાં, ત્યાંથી જામનગર હોસ્પિટલમાં અને ત્યાંથી અંતે રાજકોટ દાખલ કરવામાં આવ્યા જ્યાં તેમનો ઈલાજ થઈ રહ્યો છે. તેમના પત્નીને હજુ પણ એ વાતનો ખ્યાલ નથી કે હસુભાઈ હવે હયાત નથી.

સતત મારી સાથે હોવાથી અને સિવિલ તથા ડ્રેજીંગના પ્રોજેક્ટ્સ પર સાથે કામ કરતા હોવાથી અમારી નિકટતા છેલ્લા વર્ષોમાં વધી હતી, એમની ગેરહાજરી દરેક ક્ષણે અને શિપયાર્ડના અમારા કામના દરેક સ્થળે વર્તાય છે. પ્રોફેશનલ જીવનમાં બહુ ઓછા લોકો એવા હોય છે જેમની સાથે મેં અંગત વાતો વહેંચી હોય અને જેમની સાથે લાગણીના સંબંધો રહ્યા હોય. આશા કરીએ કે તમે જ્યાં પણ હોવ, પ્રભુ તમને શાંતિ અને મોક્ષ બક્ષે.

R.I.P. હસુભાઈ… Miss You

કેમેરાની ખરીદી… –

મારો સૌપ્રથમ ખરીદેલ કેમેરો હતો Sony Cybershot DSC S730 જે સાઈટ પર ફોટોગ્રાફી માટે વાપરેલા  Sony Cybershot DSC S600 ના એક વર્ષથી વધુ ઉપયોગ બાદ ખરીદ્યો હતો. સાઈટ પર સોનીના કેમેરાએ દરેક સંજોગોમાં સરસ ફોટોગ્રાફ્સ આપ્યા, કોંક્રીટ, પાણી, સિમેંટ વચ્ચે, દિવસે હોય કે રાત્રે – દરેક સંજોગોમાં તેની ફોટોગ્રાફી સચોટ હતી. અને તેને જોઈને ખરીદવામાં આવેલા મારા પર્સનલ કેમેરાએ પણ સરસ રીઝલ્ટ્સ આપ્યા. લગભગ ત્રણથી વધુ વર્ષ સુધી સતત સેવા આપ્યા બાદ હવે તેના પર્ફોર્મન્સમાં વાંધો આવવા લાગ્યો છે અને એટલે નવો કેમેરો જોવાનું શરૂ કર્યું છે. ૨૦ ડિસેમ્બરથી શરૂ થઈ રહેલી અમારી ફેમિલી આઉટીંગ પહેલા કેમેરો ખરીદવાનું મન છે…

સફળતા, પ્રતિષ્ઠા, પુરસ્કાર…. મારા વ્યાવસાયિક જીવનનો સીમાસ્તંભ…

Received Motivated Employee award and praise from Group Chairman Shri. Nikhilbhai Gandhi.

પીપાવાવ ડિફેન્સ એન્ડ ઑફશોર એન્જીનીયરીંગ કંપની લિ. ના ગૄપ ચેરમેન શ્રી નિખિલભાઈ ગાંધીના હસ્તે ગત ૧૪મી ઓગસ્ટે “મોટીવેટેડ એમ્પ્લોઈ” માટેનો એવોર્ડ મને આપવામાં આવ્યો. મારા વ્યાવસાયિક જીવનની આ એક મોટી ઉપલબ્ધિ કહી શકાય કારણ કે જે કામ માટે મને આ પુરસ્કાર અપાયો તે મારા મૂળ ડોમેઈન ઉપરાંત મને વધારામાં અપાયું હતું. સિવિલ એન્જીનીયરીંગને લગતા, જીઓટેકનીકલ એન્જીનીયરીંગને લગતા કામ ઉપરાંત ડ્રેજીંગની સમગ્ર વ્યવસ્થા સંભાળવાનું કામ મને ગત વર્ષે અપાયું હતું.

નેટવિશ્વના કેટલાક નોંધપાત્ર સમાચારો…

આજે પ્રસ્તુત છે નેટજગતની કેટલીક નોંધપાત્ર ઘટનાઓ – બાબતો વિશે ટૂંકમાં.

૧. ભારતના પ્રસિદ્ધ ટેક બ્લોગર અમિત અગ્રવાલના ડિજીટલ ઈન્સ્પિરેશન દ્વારા ‘હંડ્રેડ ઝીરોસ’ (http://in.hundredzeros.com/) નામની એક વેબસાઈટ બનાવાઈ છે જેની મદદથી અમેઝોન.કોમ પરથી કિન્ડલ માટેની નિઃશુલ્ક ડાઊનલોડ કરી શકાય તેવી લગભગ સાડા ત્રણસો ઈ-પુસ્તકોની યાદી મળી રહે છે. તો ગૂગલ – ભારતના એન્ડ્રોઈડ પ્લે સ્ટોર પરથી પણ ચાલીસથી વધુ પ્રસિદ્ધ ઈ-પુસ્તકો નિઃશુલ્ક ડાઊનલોડ માટે ઉપલબ્ધ કરાવાયા છે.

એક નાટક જે ભજવાયું નહીં…

ખૂબ ઉત્સાહ અને ધગશથી તૈયાર કરેલ હાસ્યપ્રધાન નાટક “દસ કરોડનો વીમો..” અમારી કંપનીમાં સ્વતંત્રતા દિવસની પૂર્વસંધ્યાએ યોજાનાર સાંસ્કૄતિક કાર્યક્રમમાં ભજવવાનું હતું. એ માટેની બધી જ તૈયારીઓ કરી હતી. મિત્ર હાર્દિકભાઈ યાજ્ઞિકે મોકલેલી ત્રણ સ્ક્રિપ્ટમાંથી એક પસંદ કરીને તેમાં જરૂરી ફેરફાર કર્યા, મારી સાથે પીપાવાવની મારી કંપનીમાંથી સહકર્મચારીઓ

રીપલ મકવાણા
ભાવેશ જોબનપુત્રા
મેહુલ પંડ્યા
પિનાકીન ભટ્ટ
ભાગ્યશ્રી જોશી તથા
જયેન્દ્રસિંહ જાડેજા

આ નાટકમાં વિવિધ પાત્રો ભજવવાનાં હતાં જેના માટે અમે સાત દિવસ, નોકરીના સમય દરમ્યાન રિહર્સલના મળેલા સમય ઉપરાત નોકરીના સમય સિવાય (હા, શનિવાર અને રવિવારે પણ નોકરીએ આવીને) રિહર્સલ કર્યા, એકબીજાની ખામીઓ શોધીને તેને દૂર કરવાનો પ્રયત્ન કર્યો… સ્ક્રિપ્ટને પણ મઠારી.

આખરે એ દિવસ આવ્યો જ્યારે આ નાટક ભજવવાનું હતું, અમારા પ્રયત્નને જોઈને – તેની સફળતા વિશે નિશ્ચિંત સીનીયર્સને લીધે એ નાટક અમારા ગૃપ ચેરમેન શ્રી નિખિલભાઈ ગાંધી અને એક્ઝેક્યુટીવ વાઈસ ચેરમેન શ્રી ભાવેશભાઈ ગાંધી સહિતના અન્ય બોર્ડ ડિરેક્ટર્સની સમક્ષ ભજવાય એવી રીતે શેડ્યુલ કરાયું, પણ…

અમે બરફના પંખી… ગુજરાતી નાટક

હાસ્યાસ્પદ નામ ધરાવતા અને હાસ્યને નામે પ્રચલિત જોક્સનો જથ્થો પીરસતા નિતનવા ગુજરાતી નાટકોની વચ્ચે એક સુંદર અને સંવેદનશીલ નાટકની સીડી દેખાઈ, ખરીદવામાં આવી અને જોવામાં આવી… કહેવું જોઈએ કે નાટક જોઈને મજા આવી, સંવેદનશીલ અભિનય, સુંદર માવજત અને નાટક જેવા અનેક મર્યાદાઓ ધરાવતા માધ્યમમાં પણ અમર્યાદ અભિવ્યક્તિ… એટલે ‘અમે બરફનાં પંખી’

યે જવાની હૈ દીવાની, આશિકી ૨, બોમ્બે ટૉકીઝ અને ફ્યુરીયસ ૬

ચાર ફિલ્મો જોવાઈ – યે જવાની હૈ દીવાની, આશિકી ૨, બોમ્બે ટૉકીઝ અને ફ્યુરીયસ ૬ – એમના વિશે થોડુંક, કાર્તિકભાઈની કોપીરાઈટ સ્ટાઈલમાં…

મુંબઈની મુલાકાત – અનેક ખાટીમીઠી ઘટનાઓ…

મુંબઈની ગત મહીનાની (મે ૨૦૧૩) મુલાકાત અનેક રીતે ખાટી મીઠી રહી… કેટલીક મહત્વની ઘટનાઓ..

પરિવાર સાથે થાણે પાસે આવેલા સૂરજ વોટરપાર્કમાં ખૂબ ધમાલ કરવામાં આવી, ક્વચિતને અને હાર્દીને તો મજા પડી જ પડી, અમને બંનેને અને સાથે આવેલા મિત્ર કનુભાઈ તથા તેમના પરિવારને પણ ખૂબ જ મજા આવી. સૂરજ વોટરપાર્ક સુઆયોજીત, વ્યવસ્થિત, સુઘડ અને સુવિધાજનક પાર્ક છે જ્યાંની લગભગ બધી જ રાઈડ્સનો લાભ લેવામાં આવ્યો (ફક્ત એક વર્ટીકલ ફૉલ વાળી રાઈડ સિવાય). અહીં વેવપુલ, અવનવી સ્લાઈડ્સ વગેરેની સાથે સાથે અંતે ચોખ્ખા પાણીથી સમૂહસ્નાનની સગવડ આપતી ‘ગંગાવતરણ’ નામની વ્યવસ્થા ખૂબ સુંદર છે. અંદર મળતું ભોજન પણ સરસ હતું અને ભાવ પણ આવી જગ્યાએ વ્યાજબી કહી શકાય એવા જ હતા.