ઘણા વખતે અહીં ફરી પોસ્ટ મૂકી રહ્યો છું એટલે સેલ્ફહોસ્ટેડ વર્ડપ્રેસથી થોડુંક અલગ લાગે છે. પણ વર્ડપ્રેસ.કોમની પોતાની મજા છે.
ગત મહીને વડોદરામાં ચં.ચી.મહેતા ઑડીટોરીયમમાં થયેલ શ્રી સુરેશ દલાલ સંકલિત પુસ્તક ‘નિબધવિશ્વ’ના પુસ્તક વિમોચનમાં પહોંચ્યો હતો. ત્યાંથી નિબંધવિશ્વ અને વિશ્વનાં યાદગાર પ્રવચનો એવા બે પુસ્તકો ખરીદ્યા. ઈમેજ દ્વારા ‘નિબધવિશ્વ’ પુસ્તક પર ૫૦/- રૂપિયા ઓછા હતાં છતાં એક સાથે બે પુસ્તકોની ખરીદી કરીને ૧૦૦૦/- નો ચાંદલો કર્યો હતો.
વિમોચન કાર્યક્રમમાં શ્રી સુરેશ દલાલ ઉપરાંત ઉપસ્થિત શ્રી ગુણવંત શાહ, ઉદ્દેશના શ્રી પ્રબોધભાઈ, સંચાલક શ્રી અંકિત ત્રિવેદી તથા કાર્યક્રમમાં નિબંધો પ્રસ્તુત કરનાર શ્રી કાજલ ઓઝા વૈદ્ય, શ્રી એષા દાદાવાળા, તથા રંગમંચના અનેક કલાકારો ઉપસ્થિત હતાં એટલે તેમને સાંભળીને ખૂબ મજા પડી. મહુવામાં હોવાથી વડોદરામાં યોજાતા આવા કાર્યક્રમો માણવાનો અવસર મળતો નથી એટલે આ કાર્યક્રમમાં ખૂબ મજા આવી.
આ ઉપરાંત કચ્છના શ્રી સહજાનંદ રૂરલ ડેવલોપમેન્ટ ટ્રસ્ટ પાસેથી તેમની પુસ્તક મિત્ર યોજના અંતર્ગત ડિસ્કાઊન્ટમાં મળતા પુસ્તકોને લઈને તથા તેમની સરસ સર્વિસને લીધે મારા અને એક સહકર્મીના એમ થઈને કુલ ૭૦૦૦/-થી વધુના પુસ્તકોનો ઑર્ડર બનાવ્યો છે. હવે ચેકબુક ખલાસ થઈ હોવાથી અને ડ્રાફ્ટ કઢાવવા જવાનો કંટાળો આવી રહ્યો હોવાથી એ હજુ બાકી છે. પણ આ મારા માટે જીવનપર્યંતનો મહાકાય ઓર્ડર હશે એ નક્કી કારણકે તેમાં મારો ભાગ ૫૦૦૦/- નો છે.
અને આ ઓછું હોય તેમ વડોદરાની છેલ્લી મુલાકાત દરમ્યાન ક્રોસવર્ડમાંથી પણ પાંચેક પુસ્તકો ખરીદ્યા, જેમાં આશકામાંડલ, નગરી વૈશાલી, સમ્રાટ અશોક, આમ્રપાલી અને મારા મનગમતા તંત્રીલેખો શામેલ છે. આ પણ ૧૦૦૦/-થી વધુનો ખર્ચ થયો, અને ઉપરાંત કાઊન્ટર પરથી પૂછાયું કે તમારે ‘પૉલિથીન’ની જરૂર છે? તેના ૩ રૂ. અલગથી થશે, ધોધમાર વરસાદની બીકે એ ત્રણ રૂપિયા પણ ખર્ચવા પડ્યા.
બ્લોગ પર લાઈકના બટનની જેમ ખભો થાબડવાની સગવડ હોય તો કેવું સારું ?!
તમારાં કાર્યોને જેટલાં અભિનંદીએ એટલાં ઓછાં છે.
LikeLike
જે.કે. દાદા, ‘લાઈક’ની જેમ ‘પેટ શોલ્ડર’ નામના બટનની આવનારા સમયમાં એવી સહુલિયત પણ આવી જશે. નેટ પર આ બટન ટેકનોલોજી તો એક આખું નવું પ્રકરણ છે.
LikeLike
આભાર, જુ.કાકા
ભાઈજાન, ખભો થાબડવાની વર્ચ્યુઅલ સગવડ પણ આખરે તો એક બટન જ ને?
LikeLike
ગુજરાતી પુસ્તકો ખરીદીને વાંચનારા જૂજ હોય છે. આપે આ ઉમદા કાર્ય કર્યું તે જાણી આનંદ સાથે આપને ધન્યવાદ અને અભિનંદન ! ગુજરાતીઓ આપના આ સાહસને ઉદાહરણ રૂપે સ્વીકારી પુસ્તકો ખરીદતા થાય તો પુસતકોની કિમતમાં પણ ઘટાદો પ્રકાશક મિત્રો જરૂર કરે ! ગુજરાતીઓ આ વાત સમજશે ખરા ?
LikeLike
અરવિંદભાઈ,
પુસ્તકોની કિંમતમાં ઘટાડાની રાહ જોવાની જરૂરત નથી, સહજાનંદ ટ્રસ્ટ એ કામ બખૂબી કરે છે, હવે ફક્ત જરૂર છે ખરીદવાની અને પછી વાંચવાની ઈચ્છાની.
આભાર
LikeLike
આપની જાણ માટે હું વર્ષો થયા પુસ્તકો ખરીદીને વાંચતો રહ્યો છું. મારા પાસે એક નાનું એવું પુસ્તકાલય થઈ શકે તેટલી સંખ્યામાં પુસ્તકો છે અને નજીકના ભવિષ્યમાં આ પુસ્તકોનો ભંડાર નાનાં એવા પુસ્તકાલયમાં ફેરવવા વિચારી રહ્યો છું. જે માટે ઘરમાં કેટલાક ફેરફારો કરવા પડે તેમ હોય અને એકલે હાથે આ કામને પહોંચી વળા શકું તેમ ના હોય સહાયક તરીકે મારી દીકરીને બોલાવેલ છે જે તેની અનુકૂળતાએ આવશે બાદ આ પુસ્તકાલયનો આરંભ થઈ શકશે. હજુ પણ દર અમદાવાદ/વડોદરા જવાનું થાય ત્યારે ક્રોસવર્ડ મારું માનીતું મુલાકાતનું સ્થળ રહ્યું છે.
LikeLike
નાનકડું પોતાનું પુસ્તકાલય જેમાં ખુદને ગમતાં થોડાંક પુસ્તકોનો નાનકડો સંગ્રહ હોય! વાહ સાહેબ વાહ, ખુબ સરસ, જોરદાર.
મારું પણ એવું સપનું છે, પણ મારે હજુ લાંબી મજલ કાપવાની છે…. ક્રોસવર્ડ તો મારું પણ માનીતું સ્થળ રહ્યું છે પણ ત્યાં જૂજ ગુજરાતી પુસ્તકો જ હોય છે એટલે બીજે બધે જેમ કે સહજાનંદ ટ્રસ્ટ વગેરેથી પણ ખરીદું છું .આપને વડોદરામાં કામ હોય તો કહેજો, મદદ કરવા ચોક્કસ પહોંચી જઈશ.
LikeLike
મને નેટ પરની ટૅકનોલૉજી અંગેની પરિભાષા બહુ સમજાતી નથી. અનેક શબ્દો આજે પાંચ વર્ષેય સમજ્યા વિના આ બધી સગવડોનો ઉપયોગ હું કરતો રહું છું. બટન ટૅકનોલૉજી પણ ક્યારેક સમજવા મળશે તો ગમશે. ખૂબ આભાર સાથે.
LikeLike
booksonclick એ એકંદરે સારી સર્વિસ આપે છે. જોઈતા પુસ્તકો લગભગ મળી રહે છે. ક્રોસવર્ડ હવે બોરિંગ જગ્યા બનતી જાય છે 🙂
LikeLike
અમારા વલસાડમાં બલસાર બુક સ્ટોર સારી સુવિધા આપે છે. કોઈ પુસ્તક ઉઅપલબ્ધ ના હોય તો મંગાવી આપે છે. અને પુસ્તકો મંગાવવા સહજાનંદ ટ્રસ્ટ તો ખરું જ. તમે પણ પુસ્તકો ખરીદવાની બાબતમાં મારા જેવો જ શોખ ધરાવો છો.
antivirus, utorrent
LikeLike
ખર્ચ કરેલાં રૂપિયાથી જે મળે છે તે અમૂલ્ય છે તેથી ચંચળ લક્ષ્મીના વસવસાને વિદાય આપી ગ્રંથોની ગરિમાનો આનંદ માણવાનો તમારો પ્રયાસ અનુકરણીય છે. … હર્ષદ દવે.
LikeLike
please give some information about sahajanand trust, as i live in NZ and when i visit india i buy book which cost me lot to take them to NZ some time weight goes up 150 kg. , i would like to visit this sahajanand trust, is this book store??? please give address and phone number.
LikeLike
sahjand trust nu adress apso to mane pan tyathi books kharidvani khabar pade maru atlu kam karso to mane khub gamse.. please please.,…
LikeLike