અક્ષરનાદની દસ લાખ ક્લિક્સ અને બીજી વાતો…

અક્ષરનાદના દસ લાખ ક્લિક્સ પૂરા થયા, જો કે હવે આંકડાઓની માયાજાળ વિશે વધુ ધ્યાન આપવું જોઈએ નહીં એમ લાગે છે કારણકે વર્ડપ્રેસ સ્ટેટ્સ અને સ્ટેટકાઉન્ટર અલગ અલગ આંકડા બતાવે છે. પણ દસ લાખ ક્લિક્સનો આનંદ પણ છે. વાચકોનો આભાર…

ઈ પુસ્તકોનું ડાઉનલોડ 75000ને પાર પહોંચ્યુ છે, એ પણ એક અનોખા આનંદની વાત છે, અને તેનો સઘળો યશ ગોપાલભાઈની સાથે વહેંચવો રહ્યો, તેમના પ્રોત્સાહને જ આ પ્રવૃત્તિ થાય છે, તો સાથે શ્રી દિનેશભાઈ બૂચનો પણ એટલો જ આભાર, અક્ષરનાદ માટે ઈ-પુસ્તકો શોધવા અને તેના કોપીરાઈટ્સ મેળવવા આ બંને વૃદ્ધ વડીલોની મહેનત અને ધગશ યુવાનોને પણ શરમાવે એવી છે.

ફેબ્રુઆરીમાં વંચાઈ રહેલ પુસ્તકો…

દર મહીને ત્રણથી ચાર પુસ્તકો વંચાય છે, ખરીદેલા, લાઈબ્રેરીમાંથી લીધેલા (જવલ્લે) અથવા અક્ષરનાદ પર રિવ્યુ માટે આવેલા, ભેટ મળેલા એમ વિવિધ સ્ત્રોતથી આવેલ પુસ્તકો  વાંચવાની ટેવ પડી ગઈ છે.

અત્યારે સૌમ્યો બંદ્યોપાધ્યાય દ્વારા સંકલિત અમિતાભ બચ્ચનની જીવનકથા વાંચી રહ્યો છું, પણ એ ફક્ત અમિતાભની જ વાત નથી, એ પહેલા શ્રી હરિવંશરાય બચ્ચન અને શ્રીમતી તેજી બચ્ચનની, ઈન્દિરા અને રાજીવ ગાંધીની પણ વિગતે વાત છે.

ગુજરાત એસ.ટી…. વડોદરા દીવ….. અગ્નિપથ

ના, ત્રણેયને એક સાથે વાંચીને કોઈ અર્થ કાઢવાનો પ્રયત્ન કરવો નહીં. જો કે એ પ્રયત્ન કરો તો પણ કોઈ વાંધો નથી. એ સદા સર્વદા સત્ય છે જ.

આવો વિષય પસંદ કરવા પાછળના જવાબદાર કારણો…

નિર્ણાયક તરીકેનો અનુભવ – અમૂલ વોલ્કેનો ૨૦૧૨ સ્કિટ સ્પર્ધા

આણંદ શહેરમાં તા. 31 જાન્યુઆરીથી 4 ફેબ્રુઆરી સુધી રોટરી ક્લબ આણંદ અને આણંદ નગરપાલિકાના સંયુક્ત ઉપક્રમે આંતરકોલેજ યૂથ ફેસ્ટીવલ ‘વૉલ્કેનો 2012′ નું આયોજન થયેલું. કાર્યક્રમના સ્પોંસર હતા એલિકોન, અનુપમ ઇન્ડસ્ટ્રીઝ અને ફાઉડલર. આ જ યૂથ ફેસ્ટીવલ અંતર્ગત બીજી ફેબ્રુઆરીએ સ્કિટ (પ્રહસન) સ્પર્ધા યોજાઈ ગઈ.

આ સ્પર્ધામાં મને નિર્ણાયકોની પેનલમાં પ્રહસનોને ગુણાંક આપવા માટે આમંત્રણ મળ્યું હતું. મિત્ર શ્રી હાર્દિકભાઈ યાજ્ઞિક તથા મહેશભાઈ સાથે આ સ્પર્ધામાં મેં પરીક્ષક તરીકે ફરજ અદા કરી. સ્કિટ સ્પર્ધા પહેલા યૂથ ફેસ્ટીવલનું સુંદર થીમ ગીત રજૂ થયું અને એ પછી વિવિધ કોલેજોના વિદ્યાર્થીઓ દ્વારા જુદા જુદા વિષયોને સ્પર્શતા દસ મિનિટની મહત્તમ સમયમર્યદા ધરાવતા સ્કિટ રજૂ થયાં.

નેટજગતમાં અખતરાઓ અને અવલોકનો…

બિગરોક.કોમ પર એક નવું ડોમેઈન નોંધાવવાની ઈચ્છા હતી, પણ એક મિત્રનો ગતવર્ષે ખૂબ ખરાબ અનુભવ સાંભળ્યો હતો. વધુ તપાસ કરવા તેમની સાથે ઑનલાઈન ચેટ કરી અને  આખુંય ભોપાળુ ખબર પડી. 2995 રુપિયામાં એક વર્ષ માટે અનલિમિટેડ સ્પેસ (- વિડીયો / ઑડીયો), અનલિમિટેડ બેન્ડવિડ્થ (-પ્રતિ કલાક બંધારણ) અને વધારામાં ઓનલાઈન રિવ્યુ કહે છે તેમ સપોર્ટ બહુ જ ખરાબ છે. નેમસર્વર બદલાતા દિવસ/સો લાગે છે… હોસ્ટીંગ ખરીદો તો વેબસાઈટ બનાવવા તેમનું વેબસાઈટ બિલ્ડર જ વાપરવું પડે…. લાગે છે કે સદીઓ પહેલા શકુની મામાની વેબસાઈટ ત્યાં જ બની હશે.

મંગળબજારથી સ્ક્વિન્ટ આઈ હોસ્પિટલ…

લગભગ ચારેક મહીના પહેલા વડોદરાના મંગળ બજારમાં નાના બાળકોના કપડા અને અન્ય ઉપયોગી વસ્તુઓ વેચતી એક નાનકડી દુકાનમાંથી અમારા દીકરા માટે કપડા ખરીદતા હતા ત્યારે દુકાનદારે હાર્દીને ચશ્મા પહેરેલી જોઈ. હાર્દીને આંખે ચશ્મા છે, લગભગ બે વર્ષની હતી ત્યારે તેની આંખ પહેલી વખત ડોક્ટરને બતાવી હતી. ત્યારથી આજ સુધી સતત એ ચશ્મા પહેરી રાખે છે. અમે કપડાનો ભાવ કરાવી રહ્યા હતા, દુકાનદાર ભાઈ અચાનક બોલ્યા, ‘તમારી દીકરીને કેટલા નંબર છે?’

દીકરીની આંખની ખામી વિશેની વાત આવે ત્યારે દર વખતે વાતને ટાળવાના પ્રયાસમાં રહેતા અમે તેને ‘ચાર’ એટલું કહી ફરી ભાવ કરાવવા મંડી પડ્યા, પણ તેમણે વાત પકડી રાખી,

હાર્દીનું અફલાતૂન અંગ્રેજી…

અંગ્રેજી વાક્યો અને ખાસ કરીણે લાબા સ્પેલિંગ યાદ રાખીને કંટાળેલી હાર્દિએ તેની મહાકાય મેરેથોન પરીક્ષા પૂરી થયાના આનંદમાં હવે નવો અને અફલાતૂન રસ્તો શોધી કાઢ્યો છે. અમેરિકન અંગ્રેજની જેમ તેણે હવે સ્પેલિંગને પોતાના સ્વરૂપે ઢાળવાનું શરૂ કર્યું છે. જુઓ હાર્દીએ ઈજાદ કરેલા કેટલાક શબ્દોના નવા અને સરળ સ્પેલિંગ – અંગ્રેજીની ઉંઝા જોડણી!…

ત્રણ દિવસ મુંબઈમાં …

આ વખતની મુંબઈની મુલાકાત તેના હેતુઓની દ્રષ્ટિએ મહદંશે નિષ્ફળ રહી પણ તે સિવાય આયોજન નહોતું કરેલું એવી વાતોમાં મજા આવી -

અમારી “સસ્ટેઈનેબિલિટી ઓફ એડવાન્સ કન્સ્ટ્રક્શન મટીરીયલ્સ એન્ડ ટેકનીક્સ” કોન્ફરન્સ રદ્દ થઈ, પણ એથી વધુ ખરાબ તો એ લાગ્યું કે માઈન્ડસ્કેપ એશિયા દ્વારા આયોજીત આ કોન્ફરન્સના સ્થળ, મીરાડોર હોટલ, અંધેરી પહોંચ્યો અને અડધો કલાક રાહ જોઈ પછી એ કહેવા આવ્યા કે કોન્ફરન્સ નથી થવાની કારણકે દુબઈથી આવવાના હતા તે સ્પીકરના કોઈક સગા ગુજરી ગયા છે, એટલે આ કોન્ફરન્સ આવતા મહીને થશે. એડવાન્સ ટિકિટ બુક કરાવી હોવાથી અને સપરિવાર ત્યાં ગયા હોવાથી બે દિવસ મુંબઈમાં જ વીતાવવા પડ્યા.

બોરીવલી લોકશક્તિમાંથી ઉતરીને સવારે સવા પાંચે ભાંડુપ જવા માટે

પાંચ ખમીરવંતા સૌરાષ્ટ્રીઓને અપાશે ફૂલછાબ એવોર્ડ્સ

સર્વે ગુજરાતીઓ માટે એક આનંદના સમાચાર છે, પાંચ ખમીરવંતા સૌરાષ્ટ્રીઓને ફૂલછાબ તરફથી એવોર્ડ્સ અપાશે.

સૌરાષ્ટ્રના અગ્રગણ્ય દૈનિક ફૂલછાબ દ્વારા વિશિષ્ટ અને નૂતન પ્રકલ્પ હાથ ધરાયો છે એ અંતર્ગત વિવિધ ક્ષેત્રોમાં વિશેષ પ્રદાન કરનારા સૌરાષ્ટ્રીઓને પોંખવાની જાહેરાત કરાઈ છે. આ પહેલને બહોળો પ્રતિસાદ મળ્યો, દોઢસોથી વધુ નામાંકનો આવ્યા અને તેમાંથી પસંદગી સમિતિએ આ પાંચ નામોની જાહેરાત કરી છે.

માધ્યમની માથાકૂટ

આજકાલ હાર્દીની દસ દિવસીય પરીક્ષા ચાલે છે. જો કે સિનિયર કે.જી.માં આટલા બધા દિવસ પરીક્ષા કેમ લેવાતી હશે એ વિશે મને મૂંઝવણ તો છે જ, પણ એથીય વધુ તકલીફ ગઈકાલે ઉભી થઈ, જ્યારે તેને એક બે નહીં પણ પૂરા છ એસે (નિબંધ) ગોખવાના આવ્યા. ગોખવાના એટલે કે એ પાંચ લીટીનો એક એવા છ નિબંધો કદી શાળામાં તેની શિક્ષિકાએ અડક્યા જ નથી. તેને પોએમ વગેરે સરસ આવડે છે, અલબત્ત એ પણ ગોખણપટ્ટી જ છે. પણ આ નિબંધો તેને શાળામાં કદી કરાવ્યા નથી અને હાલમાં જ અમને મળેલા પરીક્ષા માટેના અભ્યાસક્રમમાં એ છે માટે એને ગોખાવવાની આવશ્યકતા ઉભી થઈ, એ પણ રાતોરાત.

હવે તેને જે વાતનો અર્થ જ ખબર ન હોય, એવા ત્રીસ લાંબા અંગ્રેજી વાક્યો તેને રાતોરાત યાદ રહી શકે એ તો